Íslandsstofa, í samstarfi við sendiráð Íslands í Nýju Delí býður til vefkynningar fimmtudaginn 11. desember kl. 10.00-11.00, þar sem farið verður yfir stöðuna á indverska markaðinum og hvaða möguleg áhrif afnám tolla samkvæmt TEPA-samningnum getur haft fyrir íslenska útflytjendur á sjávar- og eldisafurðum.
Í ár tók gildi TEPA – Trade and Economic Partnership Agreement milli EFTA ríkjanna (Íslands, Noregs, Sviss og Liechtenstein) og Indlands, sem felur í sér verulegar tollalækkanir og, í mörgum tilvikum tollfrelsi.
Á fundinum verður farið yfir helstu atriði samningsins og rætt um tækifæri sem skapast fyrir íslensk fyrirtæki. Þá verður einnig miðlað reynslusögum frá aðilum á Indlandi sem hafa áralanga reynslu af innflutningi á sjávar- og eldisafurðum. Fulltrúi ÍIV verður með stutta kynningu á viðskiptaráðinu. Í lokin verður boðið upp á umræður og spurningar.
Dagskrá:
- Opnun
Björgvin Þór Björgvinsson fagstjóri sjávarafurða og matvæla hjá Íslandsstofu - Ávarp
Benedikt Höskuldsson, sendiherra Íslands á Indlandi - Áhrif TEPA samningsins á útflutning sjávarafurða til Indlands
Sveinn Einarsson, deildarstjóri viðskiptaskrifstofu, utanríkisráðuneytið - Yfirlit yfir innflutningsmarkað sjávarafurða á Indlandi
Amit Lohani, Forum of Indian Food Importers - Reynslusaga
Rakesh Banga, Banyan Fine Foods - Umræður
Fundurinn fer fram á ensku og er öllum opinn.
