Sendiráð Íslands og Noregs í Nýju Delí munu efna til forviðburðar fyrir Indversku orkuvikuna (India Energy Week) fimmtudaginn 22. janúar næstkomandi kl. 10-11.30 að íslenskum tíma. Hægt er að skrá sig til fjarþáttöku í viðburðinum hér að neðan.
Á dagskrá er greining ráðgjafarfyrirtækisins T&A Consulting á þeim tækifærum, sem viðskipta- og efnahagssamstarfssamningur EFTA og Indlands (TEPA) skapar í orkugeiranum. Sendiherrar Íslands og Noregs munu jafnframt flytja ávörp og í lok fundar verða pallborðsumræður. Viðburðurinn er bæði stað- og netfundur.
