EFTA, Fríverslunarsamtök Evrópu, og Invest india gangast fyrir vefkynningu á matvælaiðnaði og bláa hagkerfinu á Indlandi miðvikudaginn 18. mars kl. 9 árdegis að íslenskum tíma. Yfirskrift viðburðarins á ensku er „India’s Food Processing and Blue Economy: Growth Opportunities Across the Value Chain.“
Vefkynningin er sérstaklega ætluð fyrirtækjum í EFTA-ríkjunum sem hafa áhuga á fjárfestingum á Indlandi. Viðskipta- og efnahagssamstarfssamningur EFTA og Indlands, TEPA, auðveldar verulega fjárfestingar fyrirtækja frá aðildarríkjum EFTA í indversku atvinnulífi. Í kynningunni verður leitast við að varpa ljósi á umfang, vöxt og fjárfestingarumhverfi umræddra geira á Indlandi.
Skráning er nauðsynleg á hlekknum hér að neðan. Neðar á síðunni eru frekari upplýsingar um umfjöllunarefnin á kynningunni.
